Sot bëhen 10 vite nga tragjedia e Gërdecit ku humbën jetën 26 qytetarë dhe u plagosën qindra të tjerë.
Edhe sot pas një dekade, drejtësia nuk është dhënë për ngjarjen e rëndë.
Familjarët janë endur dyerve të gjykatave për vite me radhë, por kanë parë se si nga një shkallë në tjetrën, procesi nuk ka prodhuar drejtësi.
Sot pas 10 vitesh disa prej fmailjarëve të viktimave i kanë dërguar një letër kryeprokurores Arta Marku.
Zamira Durda, e cila njihet si simboli i betejës për drejtësi ka konfirmuar se ajo i ka dërguar letrën Markut para një muaji por nuk ka marrë përgjigje.
Kjo nënë humbi djalin e saj vetëm 7-vjeçar në 15 Marsin e 2008-ës./a.m.
