Erkand Qerimaj medalje bronzi në botëror: Gëzoni pa frikë, dola i pastër nga dopingu!

Erkand Qerimaj, i cili nderoi Shqipërinë me medalje bronzi në Botëror të Peshëngritjes deklaroi se pret nga qeveria shqiptare një shpërblim për arritjen e tij. Në një kohë kur Peshëngritja shqiptare mori një goditje të madhe nga skandali me peshëngritjen Romela Begaj, e cila në testin e doppingut rezultoi pozitive, Qerimaj bën një kthesë historike. Në një intervistë për ‘News24’ peshëngritësi shkodran theksoi se është shumë i gëzuar për medaljen, ndërsa dha mesazhin e qartë se skandali që ndodhi nuk duhet të ndikojë tek sportistit e rinj.

Mes të tjerash ai tha se dikush duhet të mbajë përgjegjësi për rastin e peshëngritëses Romenal Begaj, ndërsa shtoi se; ‘jeta vazhdon’. Qerimaj mes të tjerash u ndal edhe tek ‘trofeu’ që ai pret nga qeveria, ndërsa kujtoi rastin e 15 viteve më parë të peshëngritësit Ilir Suli, i cili pas medaljes së bronzit që mori në Botëror, u shpërblye nga qeveria Nano me 100 milion lekë. Po ashtu peshëngritësi pohoi se pavarësisht faktit se Europiani i peshëngritjes nuk do të mbahet në Shqipëri, kjo nuk ndikon në pjesëmarrjen e vendit tonë në këtë kompeticion.

‘BalkanWeb’ zbardh intervistën e plotë të Qerimajt
Si ndiheni për këtë fitoren e arritur? Siguruat medaljen e bronxit në Botërorin e Peshëngritjes

Jam shumë i emocionuar, shumë i gëzuar. Është një nder i madh të marrë medaljen. Jam i gëzuar për këtë rezultat. Unë kam marrë 4 herë medalje, por nga Botërori është medalja e parë.

A përfitoni financiarisht diçka nga kjo arritje?
Do shohim se ça do na ofrojmë këta të ministrisë. Se di realisht. Pasi praktikat e mëparshme kanë qenë në varësi të drejtueseve. Se di me siguri nëse do marrë shpërblim apo jo. Kur Ilir Suli mori medaljen dhe u nderua me çmimin 100 milionë lekë nga ish-kryeministri Fatos Nano. Kjo është në dëshirën e vlerësuesve.

Si rezultuan analizat tuaja anti-doping?
Rezultatet e dopingut në gjak dhe urinë është e pastër. Mund të gëzoheni pa frikë. Në Europain kam marrë medalje dhe nga Botëror po ashtu. Kemi marrë në të gjitha garat medalje. Po ti marrësh rastet nga botërori i të rinjve dhe të rriturve, vetëm medalje kemi marrë

Sa ndikon skandali i dopingut?
Situata është shumë e ngarkuar. Për sportistët dhe trajnerët nuk është e mirë situata. Goditja e fundit që u dha ishte shumë e rëndë për sportistët. Por jeta vazhdon. Nuk duhet të ndikohemi nga kjo situatë, besoj do kalojë. Duhet të kthehemi me medalje. Sportistët e rinj nuk duhet të demoralizohen, pasi duhet të vazhdojnë para.

A rrezikon vendi të mos përfaqësohet në këtë event?
Nuk besoj se ka rrezikim për të mos u përfaqësuar. Por ishte dëm i madh. Evropiani nuk është vendosur akoma se ku do mbahet. Dikush duhet të mbajë përgjegjësi për këtë çështje. Sportistja (Romela) u dërgua në Greqi për stërvitje, ndaj dikush duhet të marrë përgjegjësi.

Keni një apel për të bërë?
Uroj që të marr një shpërblim nga qeveria se solla medalje. Ne jemi vend shumë i vogël dhe këto rezultate janë të radha. Rezultati i tillë ishte para 15 vitesh dhe sot vjen kjo medalje./BW

S'KA KOMENTE

PËRGJIGJU