Britania në “çarkun” e Brexit: Brukseli vendos veton ndaj Londrës për kushtet e ikjes

Në bisedimet midis Britanisë dhe BE-së në Brexit jemi në “fazë bllokimi” dhe për Londrën “asnjë marrëveshje, është më mirë sesa një marrëveshje e keqe”. Kështu deklaroi Kryeministrja Theresa May na dalje të samitit të BE-së në Salsburg, ku e pa veten të “poshtëruar”, sipas leximit unanim të shtypit britanik.

Qeveria britanike gjithmonë e ka trajtuar Bashkimin Evropian “me asgjë tjetër veç respektit” dhe “Mbretëria e Bashkuar pret të njëjtin” respekt nga Brukseli, tha Theresa May. “Një marrëdhënie e mirë varet nga kjo”  tha May, duke u paraqitur e acaruar para shtypit pas zërave të ashpër që u dëgjuan brenda Samitit në adresë të Londrës, informon Javanews.

Bashkimi Evropian ka hedhur poshtë pa apel planin e kryeministres britanike për Brexitin dhe ka vendosur një afat kohor të qartë, pas të cilit nëse nuk ka rezultate konkrete, BE nuk është më e gatshme për të negociuar: Samitin evropian të tetorit. Të 27 vendet anëtare kanë në një shembull të rrallë uniteti, kur kanë bërë murin përballë planit britanik, të hedhur në tryezë nga Theresa May dhe që sipas presidentit të Bashkimit Evropian Donald Tusk në një konferencë për shtyp, “nuk do të funksionojë.” Në të kundërt, vendet anëtare kanë ngritur nivelin e kërkesave: “Ne jemi skeptikë dhe kritikë ndaj propozimeve” të Britanisë, tha Tusk. Duhet “qartësi” dhe nëse nuk do të vijë një sinjal “të vërtetë” i tillë në kuadër të samitit evropian në tetor, samiti i jashtëzakonshëm më 17 dhe Nëntor nuk do të mblidhet. Data e 29 Marsit, e vendosur për lamtumirën e Londrës nga Evropa e Bashkuar, tani është pas qoshes, shkruan Javanews.

Kryeministrja May është kthyer në shënjestrën e të gjithë politikës britanike. Opozita Laburiste tani i kërkon Kryeministres që të zbusë pozicionin e saj. Fjalimi i sotëm nga Theresa May, sipas Jeremy Corbyn, tregon se kryeministrja konservatore “nuk është në gjendje për të sjellë në shtëpi një marrëveshje të mirë të Brexitit. Strategjia negociuese e May rezulton të jetë një fatkeqësi, tha Corbyn.  Konservatorët në pushtet shpenzojnë më shumë kohë duke luftuar njëri-tjetrin, se sa për të negociuar me BE-në, tha lideri i opozitës.

Lojrat si nga ana e BE, ashtu dhe nga ana e qeverisë britanike duhet të marrin fund, pasi një situatë pa marrëveshje është e paimagjinueshme, tha Corbyn.  Konserevatorët kanë së afërmi kongresin e partisë, i cili rrezikon të kthehet në një gjyq ndaj kryeministres May, për pamundësinë e një marrëveshje me Brukselin. Ata po bëjnë presion që qeveria të gjejë një akord sado të pjesshëm me Bashkimin Evropian, duke evokuar madje edhe një marrëveshje të tregëtisë së lirë, si ajo që BE ka me Kanadanë e largët.

Pergatiti Ardit Rada

Javanews.al

S'KA KOMENTE

PËRGJIGJU