Arrestohen 8 doganierë e 10 policë në portin e Durrësit, akuzohen për trafik droge

Një aksion nga Prokuroria e Krimeve të Rënda ka bërë të mundur arrestimin e 10 doganierëve të Doganës së Durrësit. Arrestimet janë bërë në sajë të një hetim të Krimeve të Rënda për trafik droge. Burime nga grupi hetimor thonë se këto arrestime janë pjesë e hetimeve për 8 ton kanabis që u kapën disa javë më parë në Ankona të Italisë.

Gjithashtu Prokuroria për Krime te Renda ka “shkrir” Stacionin e Policisë se Portit Durrës. Te paktën 10 punonjës policie, përfshire edhe Shefin e Stacionit policor te Portit janë arrestuar, ne vijim te hetimit te nisur pas kapjes se një kamioni me 8 tone droge ne Itali.

Operacioni u zhvillua mbasditen e së djelës dhe emrat e të arrestuarëve mbahen sekret.
Disa javë më parë u kap një kamion me drogë, i drejtuar nga një shtetas Maqedonas, i cili  kishte kaluar në Qafë Thanë dhe nëpërmjet Portit të Durrësit kaloi për në Ankona ku dhe u kap nga policia italiane.

Më 24 mars, 4 efektivë të policisë në doganën e Qafë Thanës, u arrestuan me urdhër të Prokurorisë së Krimeve të Rënda. Arrestimet kanë ardhur dy ditë pas takimit që pati në Prokurorinë e Durrësit, kryeprokurori Adriatik Llalla dhe Kryeprokurori i Krimeve të Rënda Besim Hajdarmataj. Llalla tha për këtë takim se fokusi ishte lufta kundër trafikut të drogës.

Prokuroria për Krime te Renda “shkrin” Stacionin e Policisë se Portit Durrës. Burime te Prokurorisë japin detaje nga arrestimet e kryera në Policinë e Portit Durrës, si edhe në doganat e Qafë-Thanës, Durrësit e Tiranës.

Masat vijnë pas kapjes se një kamioni me 8 tone droge ne Itali, drogës kaluar nga Durrësi, por edhe drogës kaluar nga Qafë Thana.

Policia-e-Durresit (1)

Deklarata e Prokurorisë

Në bazë të një hetimi të Prokurorisë për Krime të Rënda, është urdhëruar arrestimi i një numri të lartë personash, ndër të cilët 10 punonjës policie në Portin e Durrësit, përfshirë edhe shefin e stacionit policor, si edhe 8 doganierë të Qafë-Thanës, Durrësit e Tiranës, të dyshuar se kanë siguruar kushtet për kalimin e dy ngarkesave të ndryshme, me peshë totale 10 ton kanabis sativa nga Shqipëria në Itali, në shkurt dhe mars 2017.

Për të gjithë këta persona, Prokuroria për Krime të Rënda ka krijuar dyshime të arsyeshme se kanë konsumuar elementët e veprës penale të ”Trafikut të narkotikëve”, në bashkëpunim. Për këtë arsye, me kërkesë të Prokurorisë, Gjykata për Krime të Rënda ka caktuar masën e sigurimit „arrest me burg”, të cilat u zbatuan nga Shërbimi për Çështjet e Brendshme dhe Ankesave në Ministrinë e Brendshme, si edhe Policisë së Shtetit, për zbatim.

Ky hetim përfshin dy episode:

Rasti i parë, i ndodhur në datën 05.02.2017, kur në Itali u kap një kamion me 8 ton drogë, e cila kishte hyrë në Shqipëri nga Maqedonia nëpërmjet pikës doganore Qafë-Thanë dhe ka dalë nga pika e kalimit kufitar në portin e Durrësit. Për këtë rast, para pak javësh u arrestuan edhe 4 punonjës policie të Qafë-Thanës.

Rasti i dytë ka ndodhur në datën 24.03.2017, kur në Itali u kap një kamion me shofer shqiptar,  me rreth 2.2 ton kanabis në bord.

Prokuroria për Krime të Rënda, në bazë të informacioneve të siguruara nga autoritetet italiane për kapjen e këtyre ngarkesave me lëndë narkotike, ka nisur hetimet, nga ku janë siguruar të dhëna, të cilat krijojnë dyshimet e arsyeshme për përfshirjen e zyrtarëve policorë dhe doganorë në trafikun e lëndëve narkotike.

Sipas të dhënave të deritanishme hetimore, Prokuroria vlerëson se, bazuar në veprimet e punonjësve të policisë kufitare, të doganës dhe të agjentëve doganor, Qafë Thanë, si edhe atyre të Portit Durrës, Doganës Durrës dhe Doganës Tiranë, ekziston një formë e organizuar bashkëpunimi mes tyre për të realizuar kalimin e automjeteve kamion të mbushur me lëndë narkotike nga Shqipëria në Itali.

Të dyshuarit e këtij hetimi janë të përfshirë në njërin ose në të dy episodet, të cilat janë pjesë e të njëjtit procedim penal.

Në bazë të veprimeve të deritanishme hetimore për këtë rast, me kërkesë të Prokurorisë për Krime të Rënda, gjykata ka caktuar masën e sigurisë “arrest me burg” për shtetasit:

  1. Ymer Blloshmi, doganier, përgjegjës turni, Qafë-Thanë
  2. Iliras Malja, doganier pranimi/verifikimi, Qafë-Thanë
  3. Maliq Kadilli, agjent doganor, Qafë-Thanë
  4. Kastriot Topulli, agjent doganor, Qafë-Thanë
  5. Gëzim Dervishi, specialist në Policinë e Portit Durrës
  6. Mexhit Xhixha, specialist, struktura anti-drogë, Policia e Portit Durrës
  7. Roland Metani, specialist, struktura anti-drogë, Policia e Portit Durrës
  8. Agron Kapllani, specialist, struktura anti-drogë, Policia e Portit Durrës
  9. Gentian Selmani, specialist, struktura anti-drogë, Policia e Portit Durrës
  10. Medi Demiri, kontrollor, Policia e Portit, Durrës
  11. Fatmir Plaku, kontrollor, Policia e Portit, Durrës
  12. Julian Doraci, Shef i Stacionit Policor, Porti Durrës
  13. Edmond Luzi, doganier eksporti, Porti Durrës
  14. Ylli Vogli, doganier peshore, Dogana Vorë (Tiranë)
  15. Erald Kulla, agjent doganor, Dogana Vorë (Tiranë)
  16. Behar Sula, kontrollor hyrje-dalje, Policia e Portit, Durrës
  17. Nezir Bardhoshi, kontrollor hyrje-dalje, Policia e Portit, Durrës
ma.me

S'KA KOMENTE

PËRGJIGJU