“Arena Kombëtare”/ Konflikt mes FSHF e Ministrisë së Financave, në pikëpyetje përfundimi i stadiumit

Fderatata Shqiptare e Futbollit ka bërë të ditur pak minuta më parë se përfundimi i stadiumit “Arena Kombëtare’, është vënë seriozisht në pikëpyetje. Kjo për faktin se Ministria e Financave, sipas saj, nuk pranon të rimbursojë TVSH në vlerën 2 mln euro, për pjesën e invbestimeve të realizuara nga FSHF. Kjo e fundit deklaron se për këtë problem do t’i drejtohet gjyaktës, për të zgjidhur mosmarrëveshjen me Ministrinë e Financave.

Deklarata

Nga Ministria e Financave vjen një lajm tjetër: Komisioni i Apelit refuzon të rimbursojë TVSH-në për pjesën e investimit të kryer nga FSHF në stadiumin “Arena Kombëtare”. Kjo do të thotë që këtij investimi i mungojnë afërsisht 2 milionë Euro dhe se praktikisht përfundimi i punimeve të stadiumit vihet seriozisht në pikëpyetje.
Në bazë të VKM Nr.953, datë 29/12/2014, neni 5, pika 5, Qendra Sportive Kuq e Zi, ka bërë deklarimet kronologjike në librat e blerjes dhe shitjes të TVSH-së, duke konsideruar dhe deklaruar se qiradhënia e ardhëshme do të jetë e tatueshme. Këtë shpjegim nuk po e bëjmë për Komisionin e Apelit që sillet si një grup “tifozësh ultras”, por për ata që e dinë dhe e kuptojnë këtë procedurë ligjore.
Gjithsesi FSHF do ti drejtohet Gjykatës, për këtë çështje, por është për të ardhur keq se si një grup burokratësh të shtetit dhe të politikës, ende nuk ju ka dalë mërzia, që Shqipëria u kualifikua në “EURO 2016”, dhe janë akoma më të mërzitur që Tirana po bëhet me një stadium modern!

S'KA KOMENTE

PËRGJIGJU