VIDEO/ Administratori që dhunoi studentët vjehrri i deputetes së LSI, Floida Kërpaçi

VIDEO/ Administratori që dhunoi studentët vjehrri i deputetes së LSI, Floida Kërpaçi

Ndërkohë që nëpërmjet një serie qëndrimesh drejtuesja e Lëvizjes Socialiste për Integrim(LSI), Monika Kryemadhi, bën thirrje për të mbështetur protestën e studentëve, realiteti tregon se përfaqësues të saj japin ndihmesë në dhunimin e tyre. Faktin e sjell rrjeti social “Lolita”, nëpërmjet publikimit të një video dhe fotoje ku një ish administrator i LSI-së thërret Policinë për të dhunuar studentët protestues.

Sipas “Lolitës”administratori quhet Xhevdet Braimllari, i cili është dhe vjehrri i deputetes më të re të LSI-së, Floida Kërpaçi. Por është edhe xhaxhai i Sekretarit të Përgjithshëm të LSI-së në Pogradec, Endrit Brahimllari.

Një plan i ndërthurur mirë por shumë i ulët ky nga ana e LSI, pasi direkt pas ngjarjes së dhunshme me policinë dhe studentët në universitete, ishte nusja e administratorit Xhevdet Braimllari (që kërkoi ndërhyrjen e policisë së shtetit me forcë tek studentët), Floida Kërpaci ajo që doli në media duke shfryrë një sërë sulmesh ndaj kryeministrit të vendit, Edi Rama dhe duke e akuzuar se ishte pikërisht ai që urdhëroi policinë të futej në ambjentet e Universitetit.

Deklarata e plotë e Deputetes së LSI-së Floida Kërpaçi:

Edi Rama me metodat e errëta, në befasi e pabesi gjatë errësirës së natës, ka vërsulur forcat e policisë ndaj studentëve që paqësisht po protesojnë në mënyrën e tyre demokratike në ambjentet e fakulteteve. Studentët janë rrahur dhe janë dhunuar fizikisht e psikologjikisht. Qeveria shqiptare është vendosur dhunshëm kundër çdo shqiptari!

Institucionet shtetërore janë angazhuar në një grusht shteti kundër çdo shqiptari dhe fëmijëve të shqiptarëve me synimin e garantimit të pushtetit të fëlliqur të Kryeministrit antishqiptar Edi Rama. Themelet demokratike të Shqipërisë që aspiron për BE sot janë më të dobëta se kurrë më parë. Edi Rama po dhunon me policinë e taksapaguesve shqiptarë, bijtë dhe bijat e shqiptarëve. Ata student që pafytyrsisht tha se u kishin dhënë një mësim. Ky është ai që donte gjoja dialog? Dialog me Polici dhe dhunë?

Ky është dialogu i Edi Ramës. Në mënyrë të pafytyrë Policia e Shtetit e urdhëruar nga Edi Rama, i fut duart në fyt një të riu, student dhe pafytyrsisht e ofendon.  Në vend të plotësonte kërkesat e të bënte çmos që të çonte në fakultet studentët, Edi Rama zgjodhi të injorojë, denigrojë e shtyp me dhunë studentët e çojë në fakultet policinë. Turp dhe thirrje për reflektim nga të gjithë aktorët e tjerë të shoqërisë tonë për të shpëtuar themelet demokratike në shkërmoqje e sipër.

Ndërkohë i bëj thirrje Ambasadorëve dhe aktorëve ndërkombëtarë në Shqipëri, siç morën pjesë dje në takimin e detyruar me KM, të dëgjojnë thirrjet e studentëve që prej 37 ditësh kanë apeluar për ndihmë nga çdo aktor që kërkon një Shqipëri demokratike dhe një rini që ndërton të ardhmen në Shqipëri. Policia e Shtetit të largohet urgjentisht dhe duhet të mbajë përgjegjësi dhe kushdo qofshin ata që kanë dhënë këtë urdhër, do të mbajnë përgjegjësi përpara ligjit dhe popullit që sheh këtë ditë të zezë të Shqipërisë. Edi Rama, koha jote mbaroi! Studentët e bashkuar, kanë për të fituar!

Lexo.al/ 

/a.meta

S'KA KOMENTE

PËRGJIGJU