Dy punonjës së Hipotekës në Lushnje janë shkarkuar për shkak të abuzimit në kryerjen e detyrës.
Ata janë D.LL dhe S.K. dhe mësohet se janë kallëzuar edhe në prokurori.
Pas denoncimit të ardhur në media nga ana e një qytetari, u kryen verifikimet e nevojshme lidhur me pretendimet e bëra publike.
“Në përfundim, u konstatuan shkelje shumë të rënda në ushtrimin e detyrës nga ana e punonjësve D.LL dhe S.K, lidhur me regjistrimin e një pasurie në zonën e Ardenicës”, shtojnë të njëjtat burime.
“Ministri i Drejtësisë, Ylli Manjani falenderon qytetarin për denoncimin e këtij rasti si dhe e fton publikun për të bërë prezent çdo konstatim për shkelje të ligjit nga ana e institucioneve publike në varësi të Ministrisë së Drejtësisë”, thuhet në një njoftim të ministrisë./a.m.